ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᓴᖅᕿᑕᐅᔪᖅ ᐃᑲᔪᕐᓂᐊᕐᓗᑎᒃ ᐱᔭᒃᓴᐅᑎᖃᖅᑐᒃᑯᑦ ᐊᒻᒪᓗ ᓄᓇᓕᖕᒦᑦᑐᓂᒃ ᐱᔪᒃᑯᑦ ᐱᕙᓪᓕᐊᑎᑦᑎᓂᕐᒥᒃ ᐅᑭᐅᖅᑕᖅᑐᒥᑦ.

ᑐᓴᒐᒃᓴᐅᑲᐅᑎᒋᓂᐊᖅᑐᖅ

ᓄᑖᖅ ᐊᑕᐅᑦᑎᒃᑯᑦ ᐱᓕᕆᐊᒃᓴᖅ ᐊᑯᓐᓂᖏᓐᓂᑦ Transfert Environnement et Société-ᑯᑦ ᐊᒻᒪᓗ ᑭᒻᐳᓕ ᕕᐅᒪᓐ ᐊᑕᐅᑦᑎᒃᑯᑦ ᖃᐅᔨᒪᓂᖃᕐᓂᕐᒥᑦ ᐱᑎᑦᑎᔪᑦ ᓄᓇᖃᖅᖄᖅᑐᑦ ᐊᐅᓚᑦᑎᓂᖏᓐᓂᑦ, ᐱᔪᒪᓂᖃᖃᑕᐅᔪᓂᒃ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐃᓄᐃᑦ ᖃᐅᔨᓴᐃᓂᕐᓂᑦ

ᒪᓐᓃᑦ 18, 2026, Yellowknife − Transfert Environnement et Société-ᑯᑦ ᐊᒻᒪᓗ ᑭᒻᐳᓕ ᕕᐅᒪᓐ ᖁᕕᐊᓱᒃᑐᑦ ᐃᓚᐅᓂᐊᕐᒪᑕ ᑐᓴᖅᑎᑦᑎᓗᑎᒃ ᓴᖅᕿᑎᑕᐅᓂᖓᓄᑦ ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ, ᐊᑕᐅᑦᑎᒃᑯᑦ ᐱᓕᕆᐊᖅ ᓴᖅᕿᑕᐅᓯᒪᔪᖅ ᐃᑲᔪᕐᓂᐊᕐᓗᑎᒃ ᐃᓚᐅᑎᑦᑎᓂᕐᒥᑦ, ᖃᐅᔨᒋᐊᕐᕕᐅᓂᕐᒥᑦ, ᐊᒻᒪᓗ ᐱᕙᓪᓕᐊᓂᕐᒧᑦ ᐱᓕᕆᐊᖑᔪᓂᑦ ᐅᑭᐅᖅᑕᖅᑐᒥᑦ ᐊᑐᖅᑕᐅᔪᑎᒍᑦ ᑕᑎᒋᔭᐅᔪᖕᓇᕐᓂᒃᑯᑦ, ᑐᑭᖃᖅᑐᒃᑯᑦ ᐃᓚᐅᑎᑦᑎᓂᒃᑯᑦ, ᐊᒻᒪᓗ ᐅᑭᐅᖅᑕᖅᑐᒥᑦ ᓱᓕᓂᐅᔪᒃᑯᑦ.

ᓄᓇᕗᑦ, ᐅᑭᐅᖅᑕᖅᑐᖅ ᑲᓇᑕᒥᓗᐊᖅ, ᑎᑭᐅᑎᓂᐊᖅᑐᖅ ᐱᕙᓪᓕᐊᓂᖃᑦᑎᐊᖅᑐᒧᐊᖅᐸᓪᓕᐊᔪᖅ ᐊᒻᒪᓗ ᐊᓯᐊᙳᖅᐸᓪᓕᐊᔪᒧᑦ, ᐱᑎᑕᐅᔪᒥᒃ ᐱᕙᓪᓕᐊᑐᐃᓐᓇᖅᑐᓂᒃ ᐱᓕᕆᓂᕐᓄᑦ ᐱᖁᑎᓂᑦ, ᐆᒻᒪᖅᖁᑎᒥᑦ, ᐱᒻᒪᕆᐅᔪᑦ ᓄᓇᒥᑦ ᐱᔭᐅᔪᓂᑦ, ᐊᒻᒪᓗ ᐅᑭᐅᖅᑕᖅᑐᖅ ᓴᙱᓂᖃᕐᓂᖓᓄᑦ. ᖃᐅᔨᒪᔭᐅᔪᓂᑦ ᐱᖃᑦᑕᖅᑐᓂᒃ 23-ᓂᑦ ᑲᓇᑕᐅᑉ 34-ᖑᔪᖏᓐᓂᑦ ᓄᓇᒥᑦ ᐱᔭᐅᖃᑦᑕᖅᑐᖏᓐᓂᑦ, ᓄᓇᕗᑦ ᐅᔾᔨᕆᔭᐅᕙᓪᓕᐊᑐᐃᓐᓇᖅᑐᖅ ᐱᓕᕆᐊᖃᖅᑐᓂᑦ ᐊᒻᒪᓗ ᐊᐅᓚᑦᑎᓂᖃᕐᕕᐅᔪᓂᑦ ᓄᓇᕐᔪᐊᕐᒥᑦ.

ᑕᐃᒪᓐᓇᐃᖓᔪᒥᑦ, ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᐱᙳᖅᑎᑕᐅᓚᐅᖅᑐᖅ ᐱᔭᐅᔭᕆᐊᖃᑦᑎᐊᕐᓂᖓᓄᑦ ᐱᕙᓪᓕᐊᓂᕐᒧᑦ ᐊᑐᖅᑕᐅᔪᓂᒃ ᑕᒪᐃᓐᓂᑦ ᐱᓕᕆᓐᓇᑦᑎᐊᖅᑑᑉᓗᑎᒃ ᐊᒻᒪᓗ ᐱᓯᒪᑦᑎᐊᖅᑑᑉᓗᑎᒃ ᐃᓄᐃᓄᑦ ᓯᕗᓪᓕᖅᐸᐅᑎᔭᐅᔪᒪᔪᑦ, ᐊᐅᓚᑦᑎᓂᕐᒧᑦ, ᐊᒻᒪᓗ ᓄᓇᓕᒃ ᖃᓄᐃᖏᑦᑎᐊᕐᓂᖓᓄᑦ.

ᐱᐊᓂᑦᑎᐊᖅᓯᒪᔪᑦ ᐱᓕᕆᐊᑦ ᐅᑭᐅᖅᑕᖅᑐᒥᑦ ᐊᑐᖅᑐᑦ ᐅᒃᐱᕈᓱᖕᓂᕐᒥᑦ, ᐅᒃᐱᕐᓇᕐᓂᖏᓐᓂᑦ, ᐊᒻᒪᓗ ᑐᑭᓯᐊᓂᖃᑦᑎᐊᕐᓂᖏᓐᓂᑦ ᓄᓇᓕᖕᒥᑦ ᐊᐅᓚᑦᑎᓂᕐᒥᑦ, ᐱᓕᕆᐊᖃᕐᓂᕐᒧᑦ ᐱᑦᑕᐅᔪᒧᑐᐃᓐᓇᐅᖏᑦᑐᖅ. ᐱᕙᓪᓕᐊᓂᕐᒧᑦ ᐱᓕᕆᐊᑦ ᐊᑐᕋᔪᒃᑐᑦ ᐅᖓᓯᒃᓯᒋᐊᖃᑦᑕᕐᓂᕐᒥᑦ, ᐃᑲᔪᖅᑐᖅᑕᐅᖏᓐᓂᕐᒥᑦ, ᐅᕝᕙᓘᓐᓃᑦ ᒪᓕᒐᓕᕆᓂᕐᒧᑦ ᓄᖅᖃᖓᑎᑕᐅᓂᕐᓂᑦ ᐃᓚᐅᑎᑦᑎᓂᕐᒧᑦ ᐊᑐᖅᑕᐅᔪᑦ ᑕᑯᒃᓴᐅᑎᑦᑎᐊᓂᙱᒃᑳᖓᑕ ᐊᐅᓚᑦᑎᓂᕐᒧᑦ ᐋᖅᕿᐅᒪᔪᓂᑦ ᐊᒻᒪᓗ ᓯᕗᓪᓕᖅᐸᐅᑎᔭᐅᔪᒪᔪᑦ ᓄᓇᓕᖕᓂᑦ ᐃᓚᐅᖃᑕᐅᔪᓂᑦ. ᐊᑕᐅᑦᑎᒃᑯᑦ, ᓄᓇᓕᖕᓂᑦ ᐊᒻᒪᓗ ᐃᓄᐃᑦ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐱᓕᕆᐊᖑᔪᒧᐊᖅᑕᐅᒐᔪᒃᖢᑎᒃ ᑭᖑᕙᓗᐊᖅᖢᑎᒃ, ᑭᒡᓕᖃᖅᑐᒥᒃ ᐃᓂᖃᖅᖢᑎᒃ ᐃᑲᔪᖃᑦᑕᖅᑐᓂᒃ, ᐊᒻᒪᓗ ᐋᖅᕿᐅᒪᔪᑎᒍᑦ ᓇᓕᒨᖓᙱᑦᑐᓂᒃ ᖃᓄᖅ ᐃᓱᒪᓕᐅᕆᓂᖅ ᐱᔭᐅᖃᑦᑕᕐᒪᖔᑦ ᓄᓇᓕᖕᒥᑦ.

ᑕᐃᒪᓐᓇ ᓱᕋᒃᐸᓪᓕᐊᑎᑦᑎᓕᖃᑦᑕᖅᑐᖅ ᐅᒃᐱᕆᔭᐅᓂᕐᒥᑦ, ᓇᓗᓇᕐᓂᖅᑕᖃᓕᖅᖢᓂ ᐱᓕᕆᐊᖃᖅᑐᓄᑦ, ᑭᒡᓕᖃᖅᑐᓂᒃ ᑐᑭᖃᖅᑐᒃᑯᑦ ᐃᓚᐅᑎᑕᐅᓂᖏᑦ ᓄᓇᓖᑦ ᐊᒻᒪᓗ ᐃᓚᓯᑉᓗᓂ ᐱᔭᕆᐊᑐᔪᓂᒃ ᒪᓕᒋᓕᕆᓂᕐᒧᑦ ᐱᕙᓪᓕᐊᔭᐅᔪᓂᑦ.

ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᐊᑐᖃᑦᑕᖅᑐᑦ ᐊᔾᔨᐅᖏᑦᑐᒥᒃ ᐊᑐᖅᖢᑎᒃ ᐃᓚᐅᑎᑦᑎᓂᕐᒧᑦ ᐊᐅᓚᔾᔭᐃᔪᒥᒃ ᐅᖓᑖᓅᖅᑐᒥᒃᑦ ᒪᓕᒐᒥᒃ ᒪᓕᒃᑎᑦᑎᓂᕐᒧᑦ ᑐᑭᖃᖅᑐᒃᑯᑦ ᐱᓕᕆᖃᑎᒌᖕᓂᕐᒧᑦ. ᓴᓇᓯᒪᔪᖅ ᐅᑭᐅᖅᑕᖅᑐᒥᑦ, ᐊᒻᒪᓗ ᐊᔪᕆᓐᓂᑯᒃᑰᖏᑦᑐᖅ, ᐱᓕᕆᖃᑎᒌᖕᓂᖅ ᐱᓯᒪᔪᖅ ᐅᑭᐅᓂᑦ ᐊᒥᓱᓂᑦ ᐊᑐᖅᑕᐅᖃᑦᑕᕐᓂᑯᓂᑦ, ᖃᐅᔨᒪᓂᖃᖅᑐᑦ ᐱᓕᕆᖃᑎᒌᖕᓂᖕᓂᑦ, ᐊᒻᒪᓗ ᐊᔪᙱᑎᑕᐅᔪᒃᑯᑦ ᑕᑯᒃᓴᐅᑉᓗᑎᒃ ᓄᓇᕗᒻᒥᑦ, ᓄᓇᕕᒃᒥᑦ ᐊᒻᒪᓗ ᐊᖏᓂᖅᓴᐅᔪᒥᑦ ᐅᑭᐅᖅᑕᖅᑐᒥᑦ.

• ᑭᒻᐳᓕ ᕕᐅᒪᓐ ᐊᕙᑎᑦ ᐅᑭᐅᑦ ᐅᖓᑖᓄᑦ ᐱᓕᕆᓂᑯᖃᖅᑐᖅ ᑲᑎᓐᓂᖃᖅᑐᓂᑦ ᓄᓇᖃᖅᖄᖅᑐᑦ ᐊᐅᓚᑦᑎᓂᖏᓐᓂᑦ, ᓄᓇᓕᖕᒥᑦ ᐱᕙᓪᓕᐊᓂᕐᒧᑦ, ᒪᓕᒐᓕᕆᓂᕐᒧᑦ ᐋᖅᕿᐅᒪᔪᓂᒃ ᐊᒻᒪᓗ ᐊᖏᔪᓂᒃ ᐱᓕᕆᐊᓄᑦ ᐸᕐᓇᐃᓂᕐᒥᑦ ᐅᑭᐅᖅᑕᖅᑐᒥᑦ. ᑭᒻᐸᓕ ᓄᓇᕗᒻᒥᐅᑕᐅᔪᖅ ᑕᓗᕐᔪᐊᕐᒥᑦ, ᖃᐅᔨᓴᐃᔨᐅᔪᖅ ᐊᒻᒪᓗ ᐊᑐᐊᒐᒥᑦ ᐱᓕᕆᐊᖃᕐᓂᕐᒧᑦ ᐱᓯᒪᔪᓂᒃ ᐅᑭᐅᖅᑕᖅᑐᓗᒃᑖᒥᑦ ᐊᒻᒪᓗ ᓄᓇᖃᖅᖄᖅᑐᓂᑦ ᖃᐅᔨᒪᓂᕐᒧᑦ ᐋᖅᕿᐅᒪᔪᓂᑦ, ᐃᓄᐃᑦᓄᑦ ᖃᐅᔨᓴᐃᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ, ᐊᒻᒪᓗ ᓄᓇᓕᖕᒥᑦ ᖃᐅᔨᒪᑎᑦᑎᓂᕐᒧᑦ ᐊᑐᖅᑕᐅᔪᓂᑦ.
• 40 ᐅᑭᐅᓂᑦ ᐅᖓᑖᓄᑦ ᐱᓕᕆᓂᑯᖃᖅᖢᓂ ᐃᓅᖃᑎᒌᑦ ᓈᒻᒪᒋᔭᐅᓂᖏᓐᓄᑦ, ᑭᑐᑐᐃᓐᓇᓂᒃ ᐃᓚᐅᑎᑦᑎᓂᕐᒧᑦ, ᐊᒻᒪᓗ ᓄᓇᓕᖕᒥᑦ ᐱᓕᕆᖃᑎᒌᒃᑐᓂᑦ, Transfert-ᑯᑦ ᐱᓯᒪᔪᖅ ᐊᑯᓂᐅᔪᒥᑦ ᖃᐅᔨᒪᓂᕆᔭᐅᔪᒥᒃ ᐃᑲᔪᖃᑦᑕᕐᓂᕐᒧᑦ ᐱᔾᔪᔾᔭᐅᔪᓂᑦ ᐊᐅᓛᖅᑎᑦᑎᔪᓂᒃ ᓄᓇᕗᒻᒥᑦ, ᓄᓇᕕᒃᒥᑦ, ᐊᒻᒪᓗ ᓄᓇᑦᑎᐊᕐᒥᑦ. ᐱᓕᕆᖃᑎᒌᖕᓂᖅ ᑕᑯᒃᓴᐅᑎᑦᑎᖕᒥᔪᖅ ᐊᐅᓚᑦᑎᔨᒃᑯᑦ ᑲᑐᔾᔨᖃᑎᒌᒃᑯᑦ ᐱᓕᕆᓂᐊᕐᓂᕆᔭᖏᓐᓂᑦ ᓴᙱᒃᑎᑎᓪᓗᒍ ᐊᒻᒪᓗ ᐊᔪᙱᑎᓪᓗᒍ ᑕᑯᒃᓴᐅᓂᖏᑦ ᐅᑭᐅᖅᑕᖅᑐᒥᑦ ᐊᑕᐅᑦᑎᒃᑯᑦ ᐱᕙᓪᓕᐊᓗᒍ ᑐᑭᓯᐊᓂᖅ ᐅᐊᖕᓇᖅᐸᓯᖓᓂᑦ ᑲᓇᑕᒥᑦ.

ᐱᓕᕆᕝᕕᒃ ᐱᓕᕆᖃᑦᑕᖅᑐᑦ ᐊᐅᓚᑦᑎᓂᕐᒥᑦ, ᒪᓕᒐᓕᕆᓂᕐᒧᑦ ᖃᓄᖅᑑᕈᑎᓂᒃ, ᐃᓂᓕᐅᕆᓂᕐᒥᒃ ᐱᕙᓪᓕᐊᓂᕐᒧᑦ, ᐱᓕᕆᔩᑦ ᐱᒋᐊᕈᖕᓇᖅᓯᓯᒪᑎᓪᓗᒋᑦ, ᐊᒻᒪᓗ ᐃᑲᔪᖅᖢᓂ ᖃᓄᐃᑦᑑᓂᐊᕐᓂᖓᓂᑦ, ᐃᓕᑕᕆᑉᓗᒋᑦ ᑐᑭᖃᖅᑐᒃᑯᑦ ᐃᓚᐅᑎᑦᑎᓂᖅ ᐱᔭᕆᐊᖃᕐᒪᑦ ᑕᒪᐃᓐᓂᑦ ᓂᐱᖃᕐᓂᕐᒥᑦ ᐊᒻᒪᓗ ᐃᓂᖃᕐᓂᕐᒥᑦ. ᐱᓕᕆᐊᖓᓂᑦ, ᑐᓗᒐᖅ ᐃᑲᔪᖅᑕᐅᔪᖅ ᐃᓄᐃᑦ-ᐃᖕᒥᖕᓂᒃ ᖃᐅᔨᔪᖕᓇᕐᓂᕐᒧᑦ ᐋᖅᕿᐅᒪᑉᓗᓂ ᒪᓕᒐᖅ, ᐃᓕᓯᒪᔪᖅ ᐃᓄᐃᑦ ᐊᐅᓚᑦᑎᓂᖓᓐᓄᑦ ᐊᒻᒪᓗ ᓄᓇᓕᖕᒥᑦ ᑐᑭᓕᐅᖅᑕᐅᓯᒪᔪᑦ ᓯᕗᓪᓕᖅᐸᐅᑎᔭᐅᔪᒪᔪᓂᑦ ᐱᓕᕆᐊᕐᒧᑦ.

ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᐃᑲᔪᖃᑦᑕᖅᑐᖅ ᓄᓇᓕᖕᓂᑦ, ᐃᓄᐃᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ, ᒐᕙᒪᓂᑦ ᐊᒻᒪᓗ ᐱᓕᕆᐊᓕᖏᑦ ᐅᒃᐱᕆᔭᐅᓗᑎᒃ ᐱᓕᕆᖃᑎᒋᔭᐅᓂᐊᕐᓗᑎᒃ, ᐊᒻᒪᓗ ᐱᓕᕆᐊᖃᕐᓗᑎᒃ ᐱᑕᖃᐅᑦᑎᐊᖅᑐᓂᒃ ᒪᓕᒐᓕᕆᓂᕐᒥᑦ ᐊᒻᒪᓗ ᐊᒃᑐᖅᓯᓂᕐᒥᑦ ᖃᐅᔨᓴᐃᓂᕐᒧᑦ ᐱᓕᕆᐊᖑᖃᑦᑕᖅᑐᓂᑦ, ᓯᕗᒻᒧᒃᑎᓪᓗᒋᑦ ᐱᕙᓪᓕᐊᓂᕐᒧᑦ ᐱᕕᖃᖅᑎᑦᑎᓂᐅᔪᑦ ᑕᒪᐃᓐᓂᑦ ᐱᕈᖅᐸᓪᓕᐊᓂᕐᒧᑦ ᐊᔪᙱᑦᑐᓂᒃ ᐊᒻᒪᓗ ᓄᓇᓕᖕᒥᑦ ᐃᑲᔪᖅᑕᐅᔪᓂᒃ.

-30-

 ᐱᔾᔪᑎᖃᖅᑐᖅ ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ-ᒥᑦ

ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᐊᑕᐅᑦᑎᒃᑯᑦ ᐱᓕᕆᖃᑎᒌᖕᓂᐅᔪᖅ ᐊᑯᓐᓂᖏᓐᓂᑦ Transfert ᐊᒻᒪᓗ ᑭᒻᐳᓕ ᕕᐅᒪᓐ. ᐱᓕᕆᖃᑎᒌᖕᓂᖅ ᑲᑎᑎᑦᑎᔪᖅ ᖃᐅᔨᒪᓂᖃᕐᓂᕐᒥᑦ ᐱᔪᒪᓂᖃᖃᑕᐅᔪᑦ ᐃᓚᐅᑎᓪᓗᒋᑦ, ᓄᓇᖃᖅᖄᖅᑐᑦ ᐊᐅᓚᑦᑎᓂᖏᑦ, ᐊᒻᒪᓗ ᐃᓄᐃᑦ ᖃᐅᔨᓴᐃᓂᖏᑦ ᐃᑲᔪᕐᓂᐊᕐᓗᓂ ᓄᓇᓕᖕᓂᑦ, ᓄᓇᖃᖅᖄᖅᑐᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ, ᒐᕙᒪᓂᑦ, ᐊᒻᒪᓗ ᐱᓕᕆᐊᒥᑦ ᐱᓕᕆᐊᖃᖅᑐᑦ ᓇᒧᙵᐅᓂᐊᕐᓗᑎᒃ ᐱᔭᕆᐊᑐᔪᒥᑦ ᒪᓕᒐᓕᕆᓂᕐᒥᑦ ᐊᒻᒪᓗ ᐊᒃᑐᖅᓯᓂᕐᒥᑦ ᖃᐅᔨᓴᐃᓂᕐᒧᑦ ᐱᓕᕆᐊᖑᔪᓂᑦ. ᐱᓯᒪᔪᖅ ᐅᒃᐱᕆᔭᐅᓂᕐᒥᑦ, ᐅᑭᐅᖅᑕᖅᑐᒥᑦ ᓱᓕᔪᓂᑦ, ᐊᒻᒪᓗ ᑐᑭᖃᖅᑐᒃᑯᑦ ᐃᓚᐅᖃᑕᐅᓂᕐᒥᑦ, ᑐᓗᒐᖅ ᐅᑭᐅᖅᑕᖅᑐᒥᑦ ᓂᐱᖃᖅᑐᑦ ᐃᑲᔪᖃᑦᑕᖅᑐᑦ ᐱᕙᓪᓕᐊᓂᕐᒥᑦ ᑕᒪᐃᓐᓂᑦ ᐱᕈᖅᐸᓪᓕᐊᓂᕐᒥᑦ ᐊᔪᙱᑦᑐᒃᑯᑦ ᐊᒻᒪᓗ ᓄᓇᓕᖕᒥᑦ ᐃᑲᔪᖅᑕᐅᔪᒥᑦ.

ᐱᔾᔪᑎᖃᖅᑐᖅ Transfert Environnement et Société (“Transfert”)

Transfert-ᑯᑦ ᖃᐅᔨᒋᐊᕐᕕᐅᓂᕐᒧᑦ ᑲᒻᐸᓂᐅᔪᑦ ᐱᓕᕆᐊᖃᖅᖢᑎᒃ ᑭᑐᑐᐃᓐᓇᓂᒃ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐃᓅᖃᑎᒌᑦ ᓈᒻᒪᒋᔭᐅᓂᖏᓐᓄᑦ. ᐃᑲᔪᖃᑦᑕᖅᑐᒍᑦ ᐱᕈᐃᑎᑦᑎᓂᕐᒥᒃ ᐅᒃᐱᕆᔭᐅᓂᕐᒥᑦ ᐊᑯᓐᓂᖏᓐᓂᑦ ᐊᐅᓚᑦᑎᔩᑦ ᑲᑐᔾᔨᖃᑎᒌᑦ ᐊᒻᒪᓗ ᓄᓇᓖᑦ ᐊᐅᓛᖅᑎᑦᑎᓂᖃᕐᕕᒋᔭᑉᑎᖕᓂᑦ. ᐊᔪᙱᓐᓂᖃᑦᑎᐊᖅᑐᑦ ᐱᓕᕆᔨᕗᑦ ᐃᑲᔪᖃᑦᑕᖅᑐᑦ ᐱᔾᔪᔾᔭᐅᔪᓂᒃ ᐅᔭᕋᒃᑕᕆᐊᓂᑦ, ᐱᓕᕆᕝᕕᒡᔪᐊᓂᑦ, ᐊᑐᖅᑕᐅᒃᑲᓐᓂᕈᖕᓇᖅᑐᑦ ᐆᒪᖅᖁᑎᓂᑦ, ᐊᒃᑕᑯᓂᒃ ᐊᐅᓚᑦᑎᔨᓂᑦ, ᐊᒻᒪᓗ ᐃᖏᕐᕋᔭᒃᑐᓕᕆᔨᓂᑦ ᓴᙱᒃᑎᒋᐊᕐᓂᐊᕐᓗᒋ ᓄᓇᓕᖕᒥᑦ ᐱᓕᕆᖃᑎᒌᖕᓃᑦ ᐊᒻᒪᓗ ᐃᓅᖃᑎᒌᓄᑦ ᖃᓄᐃᓕᐅᕐᓂᐅᔪᑦ. ᖃᓄᖅᑑᕆᓂᕐᒧᑦ ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᐃᑲᔪᖅᖢᑕ, ᐃᑲᔪᖃᑦᑕᖅᑐᒍᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᑎᑭᐅᑎᓂᐊᕐᓗᑎᒃ ᓂᕆᐅᒋᔭᐅᕙᓪᓕᐊᔪᓂᒃ ᐱᔪᒪᓂᖃᖃᑕᐅᔪᑦ ᐃᓚᐅᑎᑕᐅᓂᖏᓐᓄᑦ ᐊᒻᒪᓗ ᐱᔭᒃᓴᐅᑎᖃᕐᓂᒃᑯᑦ ᐱᓕᕆᐊᒥᑦ ᐱᕙᓪᓕᐊᓂᕐᒧᑦ. Transfert-ᑯᓐᓂᑦ, ᖃᐅᔨᒪᔪᒍᑦ ᐊᑯᓂᐅᔪᒥᒃ ᐱᓕᕆᐊᖅ ᐱᐊᓂᑦᑎᐊᖅᓯᒪᓂᖓ ᐊᑐᕐᒪᑦ ᑐᑭᓯᐊᓂᖃᑦᑎᐊᕐᓂᕐᒥᑦ ᐃᓅᖃᑎᒌᓂᑦ ᐊᒻᒪᓗ ᓄᓇᕗᒻᒥᑦ ᐱᔾᔪᑕᐅᔪᓂᑦ. ᐊᔾᔨᐅᖏᑦᑐᒃᑯᑦ ᐊᑐᖅᑕᕗᑦ ᑲᑎᑎᑦᑎᔪᖅ ᖃᓄᖅᑑᕆᓂᕐᒥᑦ ᐱᓕᕆᐊᖃᕐᓂᕐᒥᑦ, ᐱᖅᖁᓯᕆᔭᐅᔪᒥᒃ ᖃᐅᔨᒪᓂᕐᒥᑦ, ᐊᒻᒪᓗ ᐱᓕᕆᓂᕐᒥᑦ ᐊᑐᖅᓯᒪᓂᑯᑉᑎᖕᓂᑦ ᐱᓕᕆᐊᖑᔪᒧᑦ. ᐱᒋᐊᖅᑎᑦᑎᖃᑦᑕᖅᑐᖅ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᑎᑭᐅᑎᓂᐊᕐᓗᑎᒃ ᑐᕌᒐᕆᔭᖏᓐᓄᑦ ᐊᑕᐅᑦᑎᒃᑯᑦ ᐊᑐᖅᖢᑎᒃ ᐱᓪᓗᐅᕕᒃᑐᒃᑯᑦ ᓄᓇᓕᖕᒥᑦ ᐃᑲᔪᖃᑦᑕᕐᓂᕐᒥᑦ. ᐱᔭᒃᓴᐅᑎᕗᑦ: ᑲᑎᑎᓐᓂᐊᕐᓗᒋᑦ ᐱᑕᖃᙱᓐᓂᐅᔪᑦ ᐊᑯᓐᓂᖏᓐᓂᑦ ᐱᓕᕆᐊᒥᑦ ᐱᕙᓪᓕᐊᔪᑦ ᐊᒻᒪᓗ ᑲᒪᒋᔭᖃᕐᕕᒋᔭᖏᓐᓂᑦ ᓄᓇᓕᖕᓂᑦ. ᓇᓗᓇᐃᒃᑯᑕᖃᖅᑐᑦ B Corp-ᑯᑦ, ᐊᔪᙱᑕᕗᑦ ᓵᓚᒃᓴᖅᑐᒃᑯᑦ ᐊᑐᖅᖢᑕ ᐃᑲᔪᐃᓂᖃᖅᑐᓂᒃ ᑭᑐᓗᒃᑖᓂᑦ: ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ, ᐃᓅᖃᑎᒌᓂᑦ, ᓄᓇᓕᖕᒥᐅᑕᐅᔪᓂᑦ ᐊᒻᒪᓗ ᐊᕙᑎᒥᑦ. ᐃᓕᑦᑎᒃᑲᓐᓂᕆᑦ ᐅᕙᓂ transfertconsult.ca

ᑐᓴᒐᒃᓴᓄᑦ ᖃᐅᔨᒋᐊᕐᕕᐅᔪᖕᓇᖅᑐᖅ (ᖃᐅᔨᔭᐅᓂᐊᖅᑐᖅ)

Simon Falardeau, PRP, ARP
514-755-5831
simon@simonfalardeau.ca